Davlatimiz rahbari Farg‘ona viloyatiga tashrifi davomida viloyatimizda madaniy tadbirlarni ko‘paytirish masalasiga ham to‘htalib o‘tgan edi.
Ushbu topshiriqlar ijrosi doirasida shahrimizdagi hiyobonlar, mahalla maskanlarida o‘tkazilayotgan konsertlar, festivallar, davra suhbatlarida minglab hamshaharlarimiz ishtirok etmoqdalar.
Bugun O‘rda maydonida Ona Vatanga sadoqat, tariximiz va milliy madaniyatimizni targ‘ib etuvchi “Baxodir Yalangtush” badiiy filmi premyerasi ham ochiq osmon ostidagi kinoteatrda to‘plangan turli yoshdagi hamshaharlarimizning katta qiziqishiga sabab bo‘ldi.
Respublika Ma’naviyat va ma’rifat markazi hamda Qo‘qon shahar hokimligi hamkorligida tashkil etilgan premyerada tashkilotchilar va film ijodkorlari tomoshabinlar bilan muloqot qilib, filmda targ‘ib etilayotgan g‘oyalar, yurtimizda aholining ma’naviy dunyoqarashini yuksaltirish, ta’lim tarbiya sohalarida amalga oshirilayotgan ishlar xususida ma’lumot berdilar.