22-davlat umumiy o‘rta ta’lim maktabida bo‘lib o‘tgan tadbirda Qo‘qon shahar hokimi Marufjon Usmonov dastlab, maktab darvozasi oldida uni kutib olgan boshlang‘ich sinf o‘quvchilari bilan suhbatda bo‘ldi.
Maktab foyesida bitiruvchi sinf o‘quvchilari bilan o‘tkazilgan muloqot davomida Marufjon Usmonov mamlakatimizda yoshlarni har tomonlama qo‘llab-quvvatlash va iqtidorlarini namoyon etish uchun yaratilayotgan sharoitlar, ilm-fan, ta’lim sohasidagi zamonaviy trendlar xususida ma’lumot berib, mavjud takliflar va muammo-masalalar bilan qiziqdi.
Qo‘qon shahar Yoshlar ishlari bo‘limi bilan hamkorligida tashkil etilgan muloqot chog‘ida yoshlar tomonidan bildirilgan taklif va murojaatlarini hal etish bo‘yicha mutasaddilarga vazifalar belgilab berildi.