Qo‘qon shahrida Ramazon oyida jamoat xavfsizligini ta’minlash bo‘yicha vazifalar belgilab berildi

Muborak Ramazon oyida shahrimizda jamoat xavfsizligini ta’minlash bo‘yicha o‘tkazilgan saflanish tadbirida ichki ishlar, huquqni muxofaza qilish, favqulodda vaziyatlar idoralari, milliy gvardiya, mahalla tizimi mutasaddilariga vazifalar belgilab berildi.

Xususan, ro‘za kunlari masjidlarda taroveh namozlarini ado etadigan hamshaharlarimizning xavfsizligini ta’minlash, masjidlarga tutash hududlarda transport va piyodalarning erkin harakatlanishi uchun sharoit yaratib berish, ko‘ngilsiz voqealarning oldini olish bo‘yicha ko‘rsatmalar berildi.

❗️ O‘zbekiston Musulmonlar idorasining bergan ma’lumotlariga ko‘ra taroveh namozi bugun soat 20:45 dan o‘qilishni boshladi.