Pay. Iyun 20th, 2024

Хусусан, “Бунёдкор” маҳалласида “Соғлом турмуш-соғлом овқатланиш” мавзусида ўтказилган тадбирда соғлом ҳаёт кечириш учун муҳим бўлган омиллар хусусида маълумот берилди.

Қўқон шаҳар Оила ва хотин-қизлар бўлими томонидан ташкил этилган тадбирда маҳалла тизими мутасаддилари, “Оқила аёллар” жамоат ҳаракати аъзолари, маҳалладаги фаол аёллар билан очиқ мулоқот ўтказилиб, тажрибали шифокорлар иштирокчиларни қизиқтирган саволларга жавоб бердилар.

Асосий эътибор репродуктив саломатлик, қайнона-келин муносабатлари, ҳомиладор аёлларни парвариш этиш, соғлом овқатланишини ташкил этиш, организмини етарли даражада витаминлар ва ҳомила ўсиши учун зарур бўлган моддалар билан таъминлаш масалаларига қаратилди.