Xususan, Qo‘qon musiqali drama teatrida o‘tkazilgan tadbirlarda Qo‘qon shahar hokimi Marufjon Usmonov va sektor rahbarlari ham ishtirok etdilar. Qo‘qon shahridagi ta’lim muassasalarida tahsil olayotgan yoshlar tomonidan Navro‘z bayramini madh etuvchi kuy-qo‘shiqlar she’rlar, badiiy kompozisiyalar bilan tanishgan mutasaddilar iqtidor egalari va ularning muaalimlari bilan suhbatda bo‘ldilar. Marufjon Usmonov shahrimizda yoshlarning salohiyatlarini namoyon etish uchun barcha sharoitlarni yaratib berishga tayyor ekanini bildirdi.
Konsert dasturi oldidan Qo‘qon shahar hokimi Marufjon Usmonov hamshaharlarimizga o‘zining bayram tabrigini o‘qib, eshittirdi. Shahar hokimi so‘nggi yillarda davlatimiz rahbari boshchiligidla mamlakatimizda va shahrimizda erishilgan yuksak natijalar – barpo etilgan yangi uy-joylar, zamonaviy korxonalar, ta’lim, tibbiyot, madaniyat va sport maskanlari xususida to‘xtalib o‘tdi. Jaxon hunarmandlari shahri va Turkiy xalqalar turizm poytaxti kabi yuksak unvonlarga ega bo‘lgan shahrimizning nafaqat mamlakatimiz, balki xalqaro maydondagi nufuzi ham oshib borayotganini ta’kidlab o‘tdi.
Katta sahnada namoyish etilgan milliy kuy-qo‘shiqlar, raqs dastalarining namoyishlari, askiya bellashuvlarida bugungi kunimizga shukronalik, ertanggi kunimizga ishonch, bahorgi kayfiyat va ko‘tarinkilik aks etdi.
